Mundialın oyunlarında əlavə hakimlər yer alacaq və topun qapı xəttini keçməsi isə xüsusi yeni sistemlə qeydə alınacaq.
“CAR-da keçirilən mundial köhnə sistemlə idarə olunacaq sonuncu Dünya çempionatı olacaq”, - deyə FİFA-nın baş katibi Jerom Valke bildirib. FİFA baş katibinin sözlərinə görə, belə qanunun qəbul edilməsinə səbəb Frenk Lempardın mundialın 1/8 final oyunu çərçivəsində Almaniya komandasının qapısına vurduğu qolun hesaba alınmaması olub.
“Oyunların yeni texnologiya idarə edilməsi Frenk Lempardın qolunun hesaba alınmamasından sonra gündəmə gəlib. Baxaq görək yeni sistem hakimlərin işinə nə dərəcədə kömək edə biləcək?”, - deyə Jerom Valke bildirib.
Xatırladaq ki, ötən mövsüm Avropa Liqasının oyunlarında qarşılaşmaların 5 hakimlə idarə edilməsi təcrübədən keçirilmişdi.