Ölkədə infilyasiya yüksəlir.

Dövlət Statistika Komitəsinin məlumatına görə, Azərbaycanda illik infilyasiya 4,9 faizdir.  İqtisadi Tədqiqatlar Mərkəzi isə illik infilyasiyanı 5,87 faiz səviyyəsində qiymətləndirir. Hər iki qrumun məlumatına görə, illik infilyasiyanın  yüksəlişinə əsasən xidmət sahələrində qiymət artımı səbəb olub. Xidmət sahəsindən sonra ən çox bahalaşma ərzaqda qeydə alınır.

İqtisadi Tədqiqatlar Mərkəzinin məlumatına görə, mövsümu ucuzlaşma bu il daha zəif gedir. İyunda umumi ucuzlaşma isə 0,91 faiz olub.

Ən çox ucuzlaşma meyvə tərəvəzdə,  6,4 %  müşahidə ediilib.

Çörək, un məmulatları və yarma 0,23 faiz, ət, quş əti və balıq məhsulları 1,18 faiz, yağ məhsulları 0,64 faiz, meyvə, tərəvəz 6,41faiz, şəkər, çay, ədviyyat 0,04 faiz ucuzlaşıb.

Qeyri ərzaq məhsullarından isə geyim, ayaqqabı, tikinti materialları və təsərrüfat malları ucuzlaşıb.

Ucuzlaşma səviyyəsinə nəzər salanda ən çox qiymət azalmasının  meyvə tərəvəzdə olduğu məlum olur.

Ən çox bahalaşma isə süd və süd məhsullarında - 4,3 % qeydə alınıb.

Toyuq yumurtası, limon, meyvə şirələri, bəzi sərinləşdirici içkilər, süd və süd məhsulları, uşaqlar üçün mayka , futbolkalar, üzgüçülük qruplarında məşğələlərin qiyməti bahalaşıb. Bu məhsulların qiymətindəki bahalaşmanı paytaxtdakı mağazalar da təsdiqləyir.