Nazirlikdən «APA-ECONOMICS»ə verilən məlumata görə, monitorinq zamanı Bakının Nəsimi rayonunda 20 yanvar küçəsi, ev 15 A ünvanında yerləşən «Qızıl Tac» restoranında, ev 11 ünvanında yerləşən «Karmen market»də, Azadlıq prospekti, ev 14 ünvanında Nurməmməd Məmmədova məxsus mağazada, Yasamal rayonunda Z.Xəlilov küçəsi, 68 ünvanında yerləşən «Göl market»də və «Fuad market»də, Nizami rayonunda M.Əliyev küçəsi, 33 ünvanında yerləşən «Qızıl Qaya» restoranında, Binəqədi rayonunda Biləcəri qəsəbəsi, Yeni Yaşayış Massivi, Döngə 9 ünvanında yerləşən «Samir supermarket»də, Binəqədi şosesi, Döngə 8 ünvanında yerləşən «Şərur market»də, Binəqədi şosesi, Xırdalan yolunda yerləşən «Çinar market»də, C.Xəndan küçəsi, 17 ünvanında yerləşən «Zirvə/» şadlıq sarayında, Gəncə şəhərində Zərdabi küçəsi, ev 190 ünvanında yerləşən «Əli market»də, Azərbaycan Əsgəri küçəsində yerləşən «Fama market»də, H.Əliyev ilə Ş.İ.Xətai prospektlərinin kəsişməsində Eldar Vəliyevə məxsus mağazada, Şeyxzamanov küçəsi, 10 ünvanında Fərman Musayevə məxsus mağazada, Ağdaş rayonunda M.Ə.Rəsulzadə küçəsində Mehman Rzayevə məxsus mağazada, Tərtər rayonunda H.Əliyev prospektində Fəxrəddin Fərəcova məxsus mağazada, ümumi çəkisi 730 kq olan saxlama müddəti ötmüş və normativ-texniki sənədlərin tələblərinə uyğun olmayan ərzaq malları, o cümlədən qənnadı məhsulları, süd və süd məhsulları, kolbasa, yağlar, konservləşdirilmiş məhsullar, sərinləşdirici içkilər, alkoqollu içkilər və s. aşkar olunub, satışdan çıxarılaraq məhv edilib.

Qanun pozuntusuna yol vermiş şəxslər barəsində Azərbaycan İnzibati Xətalar Məcəlləsinə uyğun olaraq inzibati tədbirlər görüləcək.